ظلم الجمارك المصرية
جمارك تصل إلى ضعف ثمن المنتج ، ما هو المبرر !
السلام عليكم
فى البدايه عايز انقلكم شعورى وانا بكتب الموضوع ده : انا مضايق جدا وحاسس بالظلم من الظلم و الفساد اللى بيحصل فى مصر . انا بشترى ديما حاجات من النت بتجيلى ديما الجمارك عاليه ولما بسأل يقولك بنضيف حاجه اسمها “تحسين قيمة” بس المره ديه بقه الموضوع فاق الاحتمال
اشتريت برفيوم Joop Jump 100 ml من موقع FragranceX.com 
واحد قالى ان التستر اقوى من العادى اشتريت التستر كان سعرها 27 دولار والعاديه كانت 38 دولار اشتريت التستر وضافو 15 دولار شحن رغم انهم كانو كاتبين شحن مجانى! ولما بعتلهم اسأل قالولى ان مفيش شحن مجانى لمصر!
المهم قولت تمام ومفيش مشاكل استنى بقه الحاجه تجيلى استنيت 10 ايام ومفيش اى حاجه اكلم البريد يقولولى مفيش حاجه ! المهم بعد حوالى 17 يوم وصلت .
اجى بقه ابص على الورقه بتاعت المصاريف والجمارك، القى 170 جنيه منهم 160 جنيه جمارك !! وسعر البرفم اصلا مايعادل 150 جنيه ياعنى حوالى 102% جمارك !!
اتصلت بالبريد وبالجمارك ولا حياة لمن تنادى ، دفعت الفلوس وروحت وانا زعلان جدا جدا جدا جدا من اللى بيحصل فينا في مصر ، سعر البرفيوم وقف علي حوالى 430 جنيه (وتستر كمان) وهو سعره فى مصر اصلا 290 جنيه ! بالذمه مش حراااااام اللى بيحصل ده .
غير كده البرفم حسيته مش قوووووووووى زى ماكنت متخيل ! انا كنت بعمل جوب جامب تركيب كانت احسن من الاورجينال بكتير مش عارف ده بسب ايه بالظبط بس ماعلينا ! حبيت اشارككم تجربتى واعرف تعليقاتكم على اللى حصل وشكرا للموقع العملاق a-perfume.com لان انا بحب العطور جدا جدا والموقع ده بجد جااااامد
تحياتي fahmygh
أهلا بك أخي الغالي ،، حقيقة أنت أثرت نقطة مهمة جدا أنوي معالجتها في مقال بعنوان “خمسة أسباب تدفعك للهرب من مصر” 😀 لكن بما أن السياحة مضروبة الايام دي قلت لازم نأجل النشر شوية خخخخخخخخ
شوف حبيبي طبعا شراء منتج من الخارج بالعملة الصعبة ربما يضر باقتصاد أي بلد ، لكن السؤال المحير ، هل نحن السبب في عدم توافر بديل محلي حتى يتم توقيع أقصى عقوبة مقنعة علينا وهي الجمارك الباهظة ؟ يعني حتى المنتج الموجود في حالتنا هذه وهو عطر جوب جامب هو أيضا مستورد من الخارج ، فهل دفع فيه المستورد ضعف الثمن !! مستحيل و إلا فأين مكسبه ، ولماذا التفرقة في المعاملة !
الملفت للنظر أن المغالاة في الجمارك ليست فقط في العطور و إنما تقريبا في 90% من المنتجات التي قد تشتريها من الخارج و ليس لها بديل محلي . ما السبب ؟ السبب ببساطة أنك مصري تعيش في مصر
انا عملت شكوى ضدهم ولسه هاكلم كل اجهزه حمايه المستهلك
علشان انا اشتريت كاميرا من بره
تمنها فى مصر 3 الاف جنيه
وسعرها بره الفين جنيه 2000 جنيه
طبعا اشتريت اللى بره
بس بالمنظر ده هايضيقو جمارك حوالى 2500 جنيه عليها
ياعنى توصل تمنها ل 4500
ساعتها بقه انا هاهاجر من البلد فعلا
لان انا حسيت ان انا مش بنى ادم
كل لما احب اشترى حاجه نص المواقع مبتشحنش لمصر
ولما بتلاقى حاجه تشحن لمصر
بيطلع عين الواحد علشان يجيبها
بيزلوه وبيسرقوه ويحرقو دمه ويمرمطوه علشان يأخدها
حراااااااااااام مفيش بلد بتعمل كده فى الناس
فيه ناس بتقول علشان اقتصاد البلد
طب هو اقتصاد البلد ده مش باظ بسب الظلم بتاعكم وسرقتكم لينا سنين كتيييييييير ولما عملنا الثوره علشان نأخد حقنا الاقتصاد اتأثر
ياعنى لو من الاساس احنا عايشين مرتاحين مكنش هايبقى فيه ثوره
ولا فيه اقتصاد هايقل
بس هو ده النظام فى مصر
انت جيت ع الجرح أنا كمان حصل معايا موقف مشابه
اللى حقوله هنا مش تبرير بس مجرد احتمالات للموضوع ده
الشراء بيكون بالعملة الصعبة وبالتالى انت بتضغط ع العملة المحلية فمش عايز يفتحها ع البجرى
الجمارك مصدر مهم من مصادر تمويل الموازنة على عكس كتير من دول الخليج
تشجيع المنتج واعتقد فى دى التاجر الموجود فى مصر.
نتمنى الامور تتحسن وربنا ينفخ فى قيمة الجنيه علشان الحاجات دى تبقى ارخص ونتمنى كمان رقابة على الاسواق وحماية حقيقية للمستهلك
وممكن فى الفترة الضاغطة الحالية نستعين بأى بدائل بيتم تصنيعها فى مصر وترشيد الكماليات ونقلل الطلب على اى حاجة مستوردة، والله اعلم، لحد ما الامور تبقى افضل باذن الله
طيب هما ممكن يقولو ده
ولا لازم يحرقو دمنا ويسرقونا ويذلونا علشان نسكت؟؟؟
مهما ممكن يقولو ياجماعه عايزين نشجع منتجات البلاد وكفايه استيراد الفتره ديه
محدش هايستورد
لكن انا واحد رايح اجيب برفم يدفعونى ضعف التمن
ده عقاب ولا ايه
ههههههههههههه
بص اخى الكريم….اولا سلام الله عليك و رحمه الله وبركاته…اولا..فى شىء حدث…فى الفتره السابقه..فى الجمارك!!!!و فعلا..اصبح من الممكن..دفع جمرك..قد يصل..الى 100% من قيمه الفاتوره!!!(جنون)…لذا فانصحك..بان تشترى..من الانترنت فى الوقت الحالى….ما لا تستطيع ايجاده او الحصول عليه فى مصر…من عطور او خلافه…
تحياتى
رحال
الناس ذنبها ايه ؟؟؟
مش هما اللى سرقو الناس وزلوها ومرمطوه سنين
لحد ماعملت الثوره علشان تأخد حقها
المفروض بقه الشعب هو اللى يشيل نتيجه ده
ولا الدوله
المفروض الدوله هى اللى تحاول تصلح ده
مش يسرقو الناس تانى
ياعنى هما سرقوهم زمان ولما حصل المشكله بيعقبوهم ويسرقوهم تانى
ده ايه النظام اللى بيحمل كل حاجه على الشعب ده
ده انا كنت بفكر اعمل اوردر مع حضرتك من فراجرانسكس بس كنت عامل حسابي ان الجمارك هتكون مثلا 50% بس بالشكل ده خايف اعمله
و عايز اسأل الناس حد يعرف ايه نظام الجمارك في الكويت و هي ارخص من مصر ولا لأ ارجو الرد
والله ياجماعه الجمارك بتاعتنا ده بتفكرني بفيلم سلام ياصاحبي لما قطاع الطريق وقفوا العربيه وقالوا شخشخ يابلدينا شخشخ عشان تعدي
يا رب الجمارك تتلغي
ده حتى لو في مرشح للرئاسة برنامجه الانتخابي من الحاجات الي فيه ازالة الجمارك هنتخبه على طول D:
بالنسبة لجمارك العطور المفروض بيكون عبارة عن 55% من قيمة الفاتورة وفعلا بالمنظر دة يبقى بيستعبطو وبيزودو ف الجمارك الحاجات ال بعتبروها رفاهيات بالنسبة للكاميرا جمارها 30% مدام معاك الفاتورة الاصلية للمنتج من امريكا ليك الحق انك تاخد حقك حسب الشريحة الجمركية ال انا كاتبها دى …بس المشكلة مش معروف ف البلد دى خطوات علشان تاخد حقك !! (:
الفساد زاد وليس العكس …..
في الجمارك والضرائب عن عدة تجارب شخصية خصوصا في الفترة الاخيرة
الحمد لله الجمارك معانا ما تاخذ شي واذا اخذت ما ينذكر
اشتريت خمسة عطور وسعرها 200 دولار والجمرك طلع عمولة للبريد اقل من دولالر للامانة
تعيش سلطنة عمان
تعيش سلطنة عمان ألف مرة 😀 طيب كيف الواحد يصير عماني يا أخ أبو رهف ! 😀
حياكم الله في سلطنة عمان أخ نورنيوم وجميع الاخوة العرب
عيش في عمان وتصير عماني لك معاملة العماني يا اخ العرب
وكلنا دم واحد
يمكن بحكم العلاقات التجارية بين السلطنة ما ياخذو لينا جمرك
وصلني طرد هالأسبوع ودفعت جمرك 250 بيسة هو ما أعرف كم جنية بس الدولار عندنا يساوي 385 بيسة
تحياتي لكم جميعا
ومتابع معكم موقع عن جد روعة
شكرا يا أبو رهف بارك الله فيك و ربنا يحفظكم ويحفظ سلطنة عمان و كل بلاد العرب و المسلمين و المؤمنين . شكرا لك
عندي ملاحظة مع اني مهاجر منذ عشرين سنه الا يدب فيى الحنين الى ارض الكنانه وأشتاق لترابها والله ثم والله بس تمضي الايام الاولي من الاجازة وأقول حقي برقبتي ما انا كنت قاعد وساكت ليه اجيب وجع القلب لنفسي وطبعا مثل ما انتم عارفين الحياه كلها ظلم فى ظلم في بيروقراطيه ولا تقدر ان تعترض ..
المهم حبيت ارجع لبلدي وارتاح وخاصتآ عندي الاولاد كبرو وهيدخلو الجامعات ولكون اني اعيش كأجنبي لا يحق لنا دخول الجامعات فلذلك قررت اعود لوطني وبما ان اولادي مولودين بالغربة وعايشين طول عمرهم معى فلابد من ان انزل ومعي سيارة تعال ونحسبها هل ممكن ولد من اولادي يقدر على عيشة مصر بالميكروباص ولا بعربية الصندوق الربع نقل ولا ارمي سيارتي بربع ثمنها ولا ايه انا فعلا حزين لما يحدث لى ولأخوانى المغتربين صدمت لما عرفت ان جمرك السياره اكثر من ثمنها مره ونصف والله جرام ولا ترميها وشقاق يروح عليك حسبنا الله ونعم الوكيل نفسي اللى حاطط الارقام الخياليه دي يعيش لحظات الغربه والالم ونشوف هيصعب عليه تعبه وماله ولا لاء مع العلم مصر اخر عربيه عملتها كانت على عوض والحنتور درجن درجن درجن ………
الله يكون في العون يا أبو إياد … فعلا شيء مستفز. حسبنا الله و نعم الوكيل
ابتسم انت في أم الدنيا